الى رب الضوه #القنديل يا زورق سحر نازك انه اشتاگيت للملگه يكرخيه التطرف محتواه انسان ما متحمل #الفرگه انه اتمنيت ارد سنتين واسحب عمري من كدام يكرخيه عبوديتج خذت مني تصوف ما يقارب #عام يكرخيه فراسة عقلي ما تستوعب افكارج انتي وياي مدري وياي بشفافج گلايد ماي وخدودج گطن وردي وثلج مصلوب والمتعوب يلبس روحه #بالمگلوب ادور وين بس وينج ! يكرخيه الحجل يتمرگص من يضوگ #رجلينج يكرخيه العشگ فطره يكرخيه الگمر نعس قبل لا نبتدي السهره يكرخيه الكتب يقرن حجي عيونج الحزوره يكرخيه بعدلج بايه وتصيرين زقوره يكرخيه بعدلج ضحكه ويسموني دافنشي يكرخيه بعدلج حضنه ويگلولي دافن شي يكرخيه بعدلج صوت وتصيرين بتهوفن يكرخيه بعدلج ولد ويسمونج بنيه يكرخيه بعدلج شيب وتصيرين علويه يكرخيه بعدلج غلطه وتصيرين رب الصح يكرخيه بعدلج جذبه وتصيرين قديسه يكرخيه بعدلج اني وتصيرين هاي انتي يكرخيه بعدلج (( ايي)) وتصيرين رب زفتي يكرخيه الغزل يقهر يكرخيه اشتريت سوالف عنبر يكرخيه تره التاريخ من اكتب صغيروني يكرخيه التراث يموت وتعيشين بعيوني يكرخه الدمع نيشان لمن ينزل بكيفه غنيلي تراه العود اذا ما ينحضن مكفاه ما تحله سواليفه انه شايل ذنب #تايب اضحكيلي لمه سنونج شمع ذايب يكرخيه النهر ما راد يجمعنه النهر بذات يوميه اعلى جرفينه #الرصافه_تبات يكرخيه بتجاعيدي دمع خابط يكرخيه بمدينتكم نسيت سوالف الشجره ولگيت العش ((على الحايط)

mloozm59 just now Via Flipboard