بعد مخالطتي ب الإيطاليين 3 شهور، اكتشفت ان بجد و الله الرجل المصري ده طلع نافش ريشه على الفاضي و أكذوبة كبيره جدا مش كلهم طبعا بس ٩٩٪ منهم !! .. ليه بأه ؟؟ مفيش حاجه اسمها كل المسؤليات على الست زي الهبل اللي بتعمله ستات مصر غسيل و طبيخ و تنضيف و مذاكره للعيال و تشتغل كمان!! هنا كل حاجه بالنص! مثالا : صاحبتى ايطاليه كانت معايا فى السوبر ماركت بتشترى منظف ارضيات لوالدها عشان طلبه منها ليه ؟ عايز ينضف بين قوسين (يسيأ) :D المطبخ و الحمام عشان مامتها كانت فى trip مع صحباتها و عايزها لما ترجع تلاقى البيت نضيف زى ما سابته الناس دي بتقتدي برسولنا اكتر مننا .. و خطيب البنت اللى فى عائلتي الايطاليه كان بيطبخ و يغسل المواعين و هى كانت بتتفرج على T.V بره, طبعا مارضيتش ابوظ صوره الراجل المصرى :D بس اكتفيت انى اقول له : انا اعرف فئه من الرجال مابيعملوش حاجه ف حياتهم غير الاكل و النوم بس .. رده افحمنى بصراحه .. اه و الله :D ابتسم وقال لى : Ahaa ! Just like my cat ? :) My cat only eat and sleep اخدت الجمله دى و سكت :D عشان كده ياخوانا الستات هنا واخدين بالهم من نفسهم و ماعندهمش ضغط زى فى مصر و مش بيناموا زي القتلى من كثر الإنهاك و التعب و ياريت عاجب ! ده يقولها شايفه البنات الاجانب حلوين ازاى و انتى ليه مش شبه Megan fox ؟ و ينسى ان 90% من الشعب المصرى شبه الدكتور ربيع بتاع الوحده الصحيه فى المزاريطه :D و بعد كل ده يروح يتجوز عليها و الناس كمان تغلطها عشان بطلت تهتم بنفسها !! امتى طيب؟ و هى عليها كل المسؤوليات و هو برنس ! ليه تتجوزي واحد شايف نفسه ضحى بنفسه علشان عمل لنفسه كباية شاي؟؟ ليه تتجوزي واحد مش عارف يعني إيه بنت؟ ايه هى احتياجتها و ظروفها ! ليه تتجوزي واحد شايف إنه مسؤلية الرجل محصورة في إنه يجيب فلوس للبيت.. ده بغض النظر انتي كمان بتشتغلي أو لأ ؟ ليه تتجوزى واحد اقصى طموحه انه ياكل حله محشى على الغدا ؟ :D ليه تشيلي مسؤلية طفل عنده فوق ال ٢٥ سنة؟؟؟ إذا كانت والدته مش قادرة على رعاية الطفل الكبير جدا ده !! متعمليش كدة في نفسك.. محدش قال انك مفروض تكملي مسيرة والدته! اوعي تتجوزي مصري! انتي أكبر من كدة بكتير.....

01009004945 just now Via Flipboard